У Салігорску міліцыянты затрымалі моладзевага актывіста Паўла Батуева. Ён тэлефанаваў на вуліцы, калі да яго падышлі супрацоўнікі мясцовай міліцыі і прымусілі сесьці ў машыну.

Паводле прэс-цэнтру Хартыі 97, Павал быў дастаўлены ў Салігорскі райаддзел міліцыі. Яго абвінавацілі ў вывешваньні расьцяжак у горадзе.

Аднак пратаколу затрыманьня, па словах самога актывіста, пакуль яшчэ не прад’явілі

Моладзевыя актывісты Павал Маркевіч і Аляксандр Баразенка былі прысуджаныя сёння да трох сутак арышту за ўдзел у акцыі пратэсту супраць адмены льгот. Суд цэнтральнага раёна Менска (суддзя Паўлючук Т.Е.) палічыла, што маладыя людзі парушылі арт. 23.24 Кодэкса аб адміністрацыйных правапарушэннях – “парушэнне правіл правядзення масавых мерапрыемстваў”. Суды над астатнімі ўдзельнікамі акцыі працягваюцца.

Сёньня ў адміністрацыйнай камісіі па справах непаўналетніх г. Магілёва адбылося паседжаньне наконт пазбаўленьня бацькоўскіх правоў актывісткі апазыцыі Крысьціны Шацікавай. Падстава — прэзыдэнцкі дэкрэт №18 «Аб дадатковых захадах па дзяржаўнай абароне дзяцей зь неўладкаваных сем’яў».

Міліцыянты затрымалі Ўладзімера Шульжыцкага за тое, што ён раскідваў у паштовыя скрынкі самаробную рэкляму Радыё Свабода. Але пратакол склалі нібы за тое, што нецэнзурна лаяўся.

Учора ў судзе ня мог прысутнічаць адвакат Шульжыцкага Ігар Жукоўскі, а таксама не зьявіліся сьведкі з боку міліцыі.

Судзьдзя Аляксандар Квяткевіч перанес разгляд справы на сёньня. Чакаецца, што паседжаньне пачнецца а 16 гадзіне.