Уладзімеру Грыдзіну, былому супрацоўніку ААБ “Беларусбанк” у чарговы(ужо трэці) раз адмоўлена ў аднаўленьні на працы.

17 сакавіка 2006 г. з парушэньнем заканадаўчай працэдуры яго зволілі з пасады вядучага сьпецыяліста філіяла 520 ААБ Беларусбанк. Афіцыйнае тлумачэньне - прагул па прычыне адбываньня адміністратыўнага арышту за удзел у перадвыбарнай сустрэчы Аляксандра Мілінкевіча з выбарцамі 8 сакавіка 2006г. ля кінатэатру “Бярэсьце”.

Чатыры менскія машыны, што бяруць удзел у аўтапрабегу, арганізаваным у гонар палітвязьня Зьмітра Дашкевіча, былі спыненыя на дарозе Менск — Берасьце. Гэта было зроблена першым постам ДАІ за 20 км ад сталіцы.

Актывіста Руху “За Свабоду” Яраслава Берніковіча з Глыбокага (Віцебская вобласьць) пакаралі сёньня 10 базавымі велічынямі нібыта за несанкцыянаванае пікетаваньне (арт. 23.34 КаАП). Па сведчаньнях міліцыянтаў, актывіст быў апрануты ў майку з надпісам “Рух “За Свабоду”, якая зьяўляецца атрыбутам несанкцыянаванай акцыі і ўтрымлівае палітычныя лёзунгі Аляксандра Мілінкевіча, а таксама раздаваў брашуры аб выгодах ад партнёрства з ЭЗ.

Супрацоўнікі УКДБ па Віцебскай вобласьці напрацягу амаль паўгода спрабуюць наладзіць “даверлівыя адносіны” з мясцовым каардынатарам грамадскай арганізацыі “Хрысьціянскае сяброўства дарослых і маладых”, актывістам скаўтскага руху на Беларусі Аляксеем Дазорцавым.

Рэспубліканскае праваабарончае грамадскае аб’яднаньне «Беларускі Хельсінкскі камітэт» і зарэгістраванае ў Летуве аб’яднаньне «Праваабарончы альянс» зьвярнуліся ў Чырвоны Крыж з просьбай у межах кампетэнцыі гэтай арганізацыі дабіцца выкананьня правоў Дзмітрыя Дашкевіча. Пра гэта паведамілі прадстаўнікі гэтых аб’яднаньняў Гары Паганяйла і Людміла Гразнова 18 ліпеня на прэс канферэнцыі ў офісе Партыі БНФ.