У Цэнтральным РУУС г. Менска зараз знаходзіцца актывіст “Маладога Фронта”-
Уладзімер Сяргееў. Ён са сваім непаўнагадовым паплечнікам быў затрыманы на вул. Нямізе пры вывешваньні расьцяжкі на мосьце праз вуліцу ў падтрымку Зьмітра Дашкевіча. Гэткім чынам моладзь імкнецца выказаць сваю салідарнасьць са зьняволеным сябрам і звярнуць увагу грамадства на праблемы вязьняў сумленьня на Беларусі.

Як паведаміў дзяжурны Цэнтральнага РУУС Сімончык, на Уладзімера Сяргеева скаладзены пратакол за дробнае хуліганства. Да панядзелка моладзёвы актывіст будзе знаходзіцца ў спецразьмеркавальніку на Акрэсьціна.

У дадзена момант на кватэры ў актывісткі Маладога фронту Насты Азаркі супрацоўнікамі КДБ і міліцыі адбываецца ператрус .

Нагадаем, што сёньня ёй прад’явілі абвінавачаньне ва ўдзеле ў незарэгістраванай арганізацыі.

У Баранавічах адбылася прэзэнтацыя зборніка “Энэргетычная бясьпека краін Цэнтральнай Эўропы”.

Учора баранавіцкае аддзяленьне Руху “За Свабоду” арганізавала сэмінар-прэзентацыю зборніка матэрыялаў круглага стала “Энэргетычная бясьпека краін Цэнтральнай Эўропы” пад рэдакцыяй А.Стральцова-Карвацкага.

Сёньня ў менскую абласную пракуратуру выклікалі актывістку "Маладога фронту" зь Нясьвіжу Насту Азарку. Наста зьяўляецца фігуранткай у крымінальнай справе супраць рэгіянальных актывістаў "Маладога фронту" за ўдзел у незарэгістраванай арганізацыі. Сёньня ёй прад’явілі абвінавачаньне ва ўдзеле ў незарэгістраванай арганізацыі.

раніцы моладёвыя актывісты імкнуліся патрапіць у Шклоўскую калёнію, каб павіншаваць Зьмітра Дашкевіча з Днём народзінаў. Удзельнікі аўтапрабегу, у якіх затрымалі аўтамабілі пад Дзяржынскам, дабіраліся ў Магілеўскую вобласць цягніком. Аднак маладафронтаўцаў на вакзале ў Шклове чакаў атрад міліцыі з 30-ці чалавек. Салідарную групу завезлі ў Шклоўскі РАУС, дзе на працягу 1.5 гадзін вялі праверку пашпартоў. Сярод затрыманых: Павал Севярынец, Зьміцер Хведарук, Барыс Гарэцкі, Аляксей Трубкін, Алена Макарэвіч, Ільля Шыла, Кацярына Галіцкая, Ігар Сухарукаў, Кацярына Краснова, Дземідзенка, Круткін.

Другі дзень працягваецца аўтапрабег прысьвечаны дню нараджэньня Зьмітра Дашкевіча, якому сёньня спаўняецца 26 гадоў. Цяпер Зьміцер адбывае паўтарагадовае зьняволеньне ў шклоўскай калёніі за дзейнасьць ад імя незарэгістраванай арганізацыі.

Нагадаем, што ўчора зь Менску ў аўтапрабег накіравалася чатыры машыны, якія мусілі праехаць па маршруце: Баранавічы — Нясьвіж — Салігорск — Магілёў — Шклоў. Машыны пасьпелі праехаць літаральна 20 кілямэтраў па Берасьцейскай шашы, як іх спыніў першы ж пост ДАІ. Міліцыянты папрасілі кіроўцаў паехаць за імі ў Дзяржынскі раённы аддзел міліцыі дзеля праверкі дакумэнтаў. Празь некаторы час міліцыянты сказалі, што машыны застаюцца ў іх да поўнай праверкі, а пасажыры могуць быць вольнымі.

Студэнт беларускай філялёгіі Варшаўскай унівэрсытэту Яўген Скрабутан ехаў сёньня на “Басовішча” разам з бацькамі. Увечары на КПП “Бераставіца” мытнікі агледзелі аўтамабіль і ягоныя рэчы. Празь дзьве гадзіны сям’і Яўгена выдалі акт мытнага догляду і адпусьцілі.

Паведамляе радыё Свабода

Супрацоўнікі міліцыі затрымалі аднаго з кіроўцаў аўтапрабегу Алеся Мілінца, па дарозе з Салігорску на Магілёў. Яго трымаюць у салігорскай у міліцыі, міліцыянты дзейнічаюць па такім жа загадзе як і ўчора, калі былі затрыманы чатыры аўтамабілі аўтапрабегу ў Дзяржынску.

Іна Кулей у праграме "Праскі акцэнт" на радыё Свабода