Сеньня гарадзенскае КДБ, у асобе Аляксея Раткевіча "завіьтала ў госьці" да маладых журналістаў, якія толькі нядаўна вярнуліся са стажыроўкі ў Польшчы. Матывацыяй да размовы з маладымі людзьмі з`яўлялася "кантрольная праверка" іх дзеяньняў у суседняй краіне. Вікторыі Волкавай, Рыгору Луцэнку і Кацярыне Бычак былі зададзеныя пытаньньні наконт іх матывацыі паездкі ў Польшчу; арганізацый,зладзіўшых стажыроўку, а так сама"ці не абражаў іх там хто,і ці не зганьбілі яны гонар краіны за мяжой".

Незалежную журналістку Ганну Ільіну і кіраўніка гарадзкой арганізацыі Аб’яднанай грамадзянскай партыі Сяргея Стральцова затрымалі ў Магілёве на месцы, дзе невядомыя вывесілі бел-чырвона-белы сьцяг. Ільіну і Стральцова зьвінавацілі ў тым, што яны без дазволу фатаграфавалі міліцыянтаў.

Праз тэлефон Ганна Ільіна паведаміла “Свабодзе”, што яны знаходзяцца Ленінскай управе ўнутраных спраў Магілёва. Туды іх даставілі на загад начальніка аддзелу прафіляктыкі і правапарадку міліцыі Юрыя Кірыловіча.

Бел-чырвона-белы сьцяг міліцыянты забралі з сабою.
Рэдактарка незалежнай газэты “Магілёўскі час” Ганна Ільіна і кіраўнік гарадзкой арганізацыі Аб’яднанай грамадзянскай партыі Сяргей Стральцоў прабылі ў міліцыі больш за гадзіну.

Начальнік аддзелу прафіляктыкі і правапарадку міліцыі Юры Кірыловіч намагаўся канфіскаваць у актывістаў картку флэш-памяці іхнага фотаапарата. У міліцыянта не знайшлося законных падставаў для гэтага. Правёўшы з актывістамі прафіляктычную гутарку ён іх адпусьціў.

Адказнасьць за разгортваньне сьцягу ўзяла на сябе незарэгістраваная арганізацыя "Малады фронт.

Паведамляе радыё Свабода

Сёньня Смаргонскі суд перагледзіць сваё рашэньне ў адносінах да Уладзімера Шульжыцкага.

Раней судзьдзя Гарадзенскага абласнога суду І.Собалеў задаволіў скаргу Смаргонскай пракуратуры. Судзьдзя вырашыў накіраваць адміністрацыйную справу Уладзімера Шульжыцкага на перагляд у Смаргонскі суд.

У траўні міліцыянты затрымалі Уладзімера Шульжыцкага за тое, што ён раскідваў у паштовыя скрынкі самаробную рэкляму Радыё Свабода. Супраць яго склалі пратакол за тое, што ён нецэнзурна лаяўся.

Судзьдзя Аляксандар Квяткевіч апраўдаў Шульжыцкага з-за адсутнасьці правапарушэньня.

З гэтым рашэньнем на пагадзілася смаргонская пракуратура й абскардзіла рашэньне.

Паведамляе радыё Свабода