Менскі гарадзкі суд пад старшынствам Міхаіла Басава цалкам задаволіў прыватную скаргу былога студэнта Акадэміі кіраваньня пры прэзыдэнце Юрыя Алейніка.

Студэнт-выдатнік быў адлічаны з 4-га курсу Акадэміі 15 траўня 2007 году нібыта за прагулы. Аднак Юрый Алейнік лічыць, што сапраўдная прычына адлічэньня – ягоная грамадзянская пазыцыя і палітычныя погляды. Паводле сёньняшняга рашэньня Менгарсуду справа Юрыя Алейніка вяртаецца зноў на разгляд у суд першай інстанцыі.

Супрацоўнікі міліцыі Ленінскага раёну Менску у суботу затрымалі двух актывістаў Аб’яднанай грамадзянскай партыі – Арцёма Дарэўскага і Аляксандра Сяргіенку.

У іх заплечніках знайшлі газэты “Свабоду Беларусі”, якія распаўсюджвалі хлопцы.