На ўкраінска-беларускай мяжы праходзіць дэманстрацыя фільма Юрыя Хашчавацкага «Плошча» пра падзеі ў Менску ў сакавіку 2006 года. Людзі, якія чакаюць пераходу мяжы з боку Украіны, падыходзяць да аўтамабіля з бела-чырвоным сцягам і глядзяць урыўкі з фільма, якія дэманструюцца на ноўтбуку. Усім жадаючым дораць гэты фільм на DVD.

Прэзэнтацыя новай кнігі Паўла Сявярынца “Лісты зь лесу” 15 жніўня на сядзібе БНФ сабрала многіх знакамітых людзей Беларусі. Зборнік складзены з артыкулаў, якія лідэр хрэсьціянскіх дэмакратаў штотыдзень дасылаў у газэту «Наша Ніва» з папраўчай працы ў Малым Сітне на поўначы краіны. Прысутныя - рэдактар “Нашай Нівы” Андрэй Дынько, паэт Генадзь Бураўкін, пісьменнік Уладзімір Арлоў, старшыня Беларускага ПЭН-цэнтру паэт Уладзімір Някляеў, прафэсар Анатоль Грыцкевіч і іншыя далі высокую адзнаку публіцыстычнаму таленту Павала Севярынца.

Сябры Камітэта абароны рэпрэсаваных й “Маладога Фронту” наведалі інстытут радыяцыйнай бяспекі “БелРад” з мэтай азнаёміцца з новымі праграмамі дзейнасьці навукоўцаў у галіне абароны насельніцтва ад наступстваў Чарнобыльскай аварыіі. Яны спаткаліся з кіраўніком інстытута, прафесарам, членам-карэспандэнтам Нацыянальнай Акадэміі Навук

Сябры Камітэта разам з маладафронтаўцамі наведалі слыннага беларускага пісьменніка, даследчыка літаратурнай спадчыны - Уладзімера Содаля, які толькі што выдаў новую кнігу пра вядомага дзеяча беларускага Адраджэньня, першага рэдактара “Нашай Нівы”- Аляксандра Уласава.

Камітэт абароны рэпрэсаваных надае ўвагу патрэбам рэгіянальных актывістаў і іх сем'яў. Людзі, якія шмат гадоў самаахвярна працуюць дзеля дэмакратычных пераменаў у нашым грамадстве, рызыкуючы страціць працу й сямейны дабрабыт, здароўе й душэўны спакой, патрабуюць асаблівай маральнай і матэрыяльнай падтрымкі. Камітэт аказаў дапамогу 28 сем’ям з такіх гарадоў і населеных пунктаў як Віцебск, Берасьце, Слуцак, Барысаў, Салігорск, Маладэчна, Ворша, Клецк й іншыя.

Камітэт абароны рэпрэсаваных працягвае ажыцьцяўляць праграму “Апека “ па дапамозе старэйшым дзеячам культуры Беларусі. Прадстаўнікамі Саюза Беларускіх пісьменнікаў складзены сьпіс з асоб, якія патрабуюць першаснае дапамогі, матэрыяльнае падтрымкі й медычнай рэабілітацыі.

У Цэнтральным РУУСе г.Менска зараз знаходзяцца 4 актывісты. Гэта Алеся Ясюк, Ільля Сіманенка, Павал Мяшкоў, Зьміцер Маліноўскі.