Бабруйскую актывістку Беларускай сацыял-дэмакратычнай партыі “Грамада” Таісію Кабанчук учора дапыталі ў мясцовай управе Камітэту дзяржаўнай бясьпекі. У актывісткі спрабавалі ўзяць расьпіску пра тое, што яна ня будзе ўдзельнічаць у акцыях апазыцыі — “Эўрапейскім маршы” ды сацыяльных пікетах.

Баранавіцкі раённы суд учора  разгледзеў адміністрацыйныя справы Руслана Рудэнкі зь Менску і Надзеі Крапівінай з Горадні. Судзьдзя Аксана Кушава завочна абвінаваціла іх у дробным хуліганстве, якое яны нібыта зьдзейсьнілі пад час суду над Яраславам Грышчэнем 10 верасьня.