У аўторак увечары самаму маладому палітвязьню Беларусі Артуру Фінькевічу было афіцыйна прад’яўленае новае абвінавачваньне. Сьледчы Аляксандр Лескавец у прысутнасьці адвакаткі абвесціў, што сьледчыя дзеяньні скончаныя і маюцца доказы віны. Маладафронтаўца абвінавачваюць у парушэньні арт. 415 КК РБ “Адмова ад адбываньня пакараньня ў выглядзе абмежаваньня волі”.

Адвакату Аляксандру Галіеву паведамілі сёньня ў Шклоўскім раённым судзе, што судовы працэс над Зьмітром Дашкевічам пачнецца 6 лістапада і пройдзе пры зачыненых дзьвярах.

Суд Менскага раёну аштрафаваў актывіста руху “За Свабоду” Ігара Лялькова на 930 тыс. рублёў за правядзеньне несанкцыянаванага мерапрыемства “апазыцыйнага характару – схода руху “За свабоду Беларусі”, на якім прысутнічала больш за 250 чалавек” у жніўні гэтага года.

У Віцебскім раёне сёньня былі затрыманыя ўдзельнікі ўшанаваньня памяці ахвяраў рэпрэсіяў, сярод якіх 4 журналісты Усе яны накіроўваліся ва ўрочышчы Паляі. Пяцёра затрыманых дастаўлены ў суд.

Сёньня з улёткамі пра Сацыяльны марш быў затрыманы актывіст Партыі БНФ Вацлаў Арэшка. Яго павезьлі ў аддзел унутраных справаў Цэнтральнага раёну.

29 кастрычніка моладзевая незарэгістраваная арганізацыя «Малады фронт» зьвярнулася з адкрытым лістом да прадстаўнікоў дыпляматычных місій краінаў Эўразьвязуу, акрэдытаваных у Беларусі.

24 кастрычніка адбыўся прадстаўнічы сход бацькоў моладзевых актывістаў і студэнтаў –каліноўцаў. У сходзе прынялі ўдзел прадстаўнікі Камітэта абароны рэпрэсаваных, жаночай партыі “Надзея”, бацькі студэнтаў-каліноўцаў, якія навучаюцца ў Варшаве, Беластоку, Кракаве, Гданьску , журналісты з незалежных СМІ.

У ноч на 29 кастрычніка 1937 году ў сутарэньнях турмы НКВД былі расстраляныя 80 чалавек — цьвет беларускай нацыі. Гэта быў пік. У некаторых сацыяльных групах, нацыянальных супольнасьцях ці прафэсійных асяродках жывымі заставаліся толькі прыналежныя да іх агенты спэцслужбаў.

У Магілёве ўначы з суботы на нядзелю былі моцна зьбітыя актывісты мясцовае суполкі “Моладзі БНФ”.

Сёньня палітык хадзіў у пракуратуру Савецкага раёну па выкліку сьледчага Дзьмітрыя Агафонава ў якасьці сьведкі ў справе па забойстве менскага таксіста па прозвішчы Дзядзюля.