Сяргей Сямёнаў дамогся справядлівасьці ў судзе Цэнтральнага раёну г. Гомеля. Судзьдзя Віктар Казачок пастанавіў спыніць адміністратыўную справу, узбуджаную ў дачыненьні да жыхара Гомеля, які патрабаваў беларускамоўны блянк мытнай дэклярацыі пры перасячэньні беларуска-ўкраінскай мяжы.

Актывістка моладзевай дэмакратычнай апазіцыі Анастасія Азарка 3 кастрычніка аштрафавана судом Нясвіжскага раёна на 31 базавую велічыню (961 тысячу беларускіх рублёў). Суд прызнаў яе вінаватай у парушэньні артыкула 17.1 Кодэксу аб адміністрацыйных правапарушэньнях Беларусі — дробным хуліганстве, учыненым 25 жніўня.