17-й гадзіне былі затрыманыя моладзевыя актывісты Мікіта Сасім і Павал Юхневіч. Іх вязуць у Фрунзенскі РУУС сталіцы.

Сёньня раніцай Алесь Дзергачоў паведаміў праз тэлефон, што міліцэйская машына стаяла побач зь ягоным домам усю ноч. Час ад часу міліцыянты хадзілі зь ліхтарыкамі пад вокнамі.

Увечары 10 кастрычніка ў Мазыры затрымалі актывіста Руху  “За Свабоду”, каардынатара аргкамітэта партыі «Беларуская хрысціянская дэмакратыя» Паўла Наздру.

Увечары 10 кастрычніка супрацоўнікі мілыцыі затрымалі прыхільніка Руху “За Свабоду”  Юрку Бакура й Інгу Абрамаву нібыта за наклейваньне налепак з запрашэньнем узяць удзел у нядзелю 14 кастрычніка ў дазволеным уладамі ў Менску Эўрапейскім маршы.

Белая з чырвонай паласой налепка "ВY" на машыне Сяргея Парсюкевіча, актывіста Руху "За Свабоду", стала прычынай для складаньня адміністрацыйнага пратаколу. У момант затрыманьня актывіста ён моўчкі заклеіў сабе рот скотчам, каб пасьля яго не змаглі абвінаваціць у нецэнзурнай лаянцы.

На 10 сутак арышту асудзілі моладзевага актывіста Алеся Атрошчанкава ў Цэнтральным судзе Менску. Міліцыянты засьведчылі, што актывіст “брыдкасловіў і паводзіў сябе нагла” ў грамадзкім месцы. А пачалася гэтая гісторыя з ўварваньня міліцыі ў кватэру Алеся Атрошчанкава паводле сыгналу пра “падазроны трупны пах”.

У Ленінскім раённым судзе Горадні пакаралі арыштам затрыманых учора ўвечары чатырох актывістаў.