Дэмакратычны актывіст Павал Юхневіч асуджаны сёньня судом Савецкага раёна Менска да 15 сутак арышту. Актывіст толькі ўчора выйшаў з сьпецпрыёмніка-разьмеркавальніка на Акрэсьціна, дзе правёў 7 сутак арышту за арганізацыю Эўрапейскага Маршу, як яго зноў асудзілі па двух артыкулах адміністрацыйнага кодэксу. Прысуд актывісту вынесла судзьдзя Людміла Савасцьян.

Сёньня Алене Макарэвіч, актывісткі Маладога Фронту, адміністрацыя школы №199, ў якой яна навучаецца, паведаміла аб тым, што яна больш не зьяўляецца вучаніцай гэтае школы.

У сераду а 17 гадзіне адбыўся новы допыт гомельскага маладафронтаўца Андруся Цянюты па артыкуле “удзел у незарэгістраванай арганізацыі”.

Справу лідэра “Маладога фронту” Зьмітра Дашкевіча перадалі ў Шклоўскі раённы суд. Паводле другога абвінавачаньня, актывісту, які ўжо асуджаны на паўтара году, пагражае яшчэ шэсьць месяцаў зьняволеньня.