Вярхоўны суд Беларусі сёньня разгледзеў скаргу незарэгістраванага моладзевай арганізацыі «Малады фронт» да ўпраўленьня юстыцыі Менгарвыканкаму. Нагадаем, што сёлета гарадзкія чыноўнікі ўжо двойчы адмаўлялі «маладафронтаўцам» у рэгістрацыі. Адмовы прыходзілі з прычыны таго, што «арганізацыя заклікае да гвалтоўнай зьмены ўлады ў краіне, прапагандуе вайну, міжнацыянальную і расавую варожасьць».

Учора ў Мядзелі быў затрыманы актывіст Руху “За Свабоду” Зьміцер Падрэза. На юнака склалі пратакол адміністратыўнага правапарушэньня, адабралі мабільны тэлефон, налепкі “Эўрапейскі марш” і загадалі зьявіцца ў КДБ.