Сёньня, ў дзень абароны правоў чалавека, мы выкладваем сьпіс судзьдзяў, якія выносілі адміністратыўныя прысуды грамадзкім актывістам. Нажаль, хваля палітычных прысудаў не спынілася. Заўтра ў Маскоўскім і Цэнтральных раённых судах г.Менску пройдуць суды над арганізатарамі й удзельнікамі акцыі пратэсту прадпрымальнікаў.

Інфармацыя ўдакладняецца й вы можаце гэтаму паспрыяць.

Затрыманых на мітынгу прадпрымальнікаў Віктара Гарбачова, Віктара Крываля, Крысьціну Шацікаву ды Віктара Калея будуць судзіць заўтра а 10‑й гадзіне у судзе Маскоўскага раёну. Пра гэта паведаміў адзін з заяўнікаў акцыі Аляксандар Таўстыка.

У пракуратуры, куды адзін з лідэраў прадпрымальніцкага руху, заяўнік маючай адбыцца сёнья 10 сьнежня на Кастрычніцкай плошчы акцыі пратэсту, Аляксандар Макаеў быў дастаўлены сёньня раніцай, яму давалі падпісаць папярэджаньне аб недапушчальнасьці супрацьпраўных дзеяньняў.

Учора позна ўвечары ў Нясьвіжы была затрыманая актывістка Маладога Фронту, Наста Азарка. Супрацоўнікі міліцыі схапілі дзяўчыну, калі яна вярталася дадому.

Пра гэта дзяўчыне паведаміў рэктар Полацкага дзяржаўнага ўнівэрсітэту Лазоўскі З.М, выклікаўшы Касю на неафіцыйную размову.