Студэнт-каліновец Яўген Скрабутан з Зэльвы быў сёньня ў міжраённым аддзеле КДБ у Ваўкавыску. У яго адбылася гадзінная гутарка з капітанам Алегам Жывушкам, якога цікавіла студэнцкая праграма імя К.Каліноўскага і існаваньне “Маладога Фронту”. Яўгену былі паказаныя друкаваныя матэрыялы з інтэрнэту, у якіх узгадваецца ягонае прозьвішча.

Супрацоўнікі КДБ палююць за каардынатарам пінскае арганізацыі Руху “За Свабоду” Зьміцерам Бадзевічам. Яшчэ аднаго актывіста Руху па Піншчыне Зьміцера Кіселя абвінавачваюць у правядзеньні несанкцыянавага мітінгу й пагражаюць непрыняцьцём у ВНУ.

Госьці «Начной Свабоды» — удзельнікі адукацыйнай праграмы імя Кастуся Каліноўскага, сыны Іны Кулей і Аляксандра Мілінкевіча Ігар Кулей і Вітаўт Мілінкевіч.

Адміністрацыя Магілёўскай спэцкамэндатуры цягам дзесяці сутак мусіць вызначыць дысцыплінарнае пакараньне для аднаго зь лідэраў Маладога Фронту, Артура Фінькевіча за ўчорашні інцыдэнт. Для палітвязьня гэта можа скончыцца турэмным зьняволеньнем.

Больш за сто студэнтаў Гарадзенскага ліцэю й Гарадзенскага дзяржунівэрсытэту падпісаліся пад лістом з просьбай вызваліць Маргарыту Царан. 20-гадовую дзяўчыну асудзілі на 4 гады зняволеньня за набыцьцё 0,28 гр. марыхуаны. Яе сябры упэўненыя, што прысуд студэнтцы несправядлівы, а крымінальная справа супраць яе - вынік памылкі альбо правакацыі. Раней М. Царан была ўдзельніцай групы Валера Леванеўскага, далучалася да выступленьняў прадпрымальнікаў.

26 чэрвеня ў Цэнтральным судзе г.Менска была разгледжана скарга па справе пратэстанцкага пастара Я.Лукасіка. На паседжаньне ня быў дапушчаны адвакат Аляксандр Галіеў. Разгляд справы пачаўся за зачыненымі дзвярыма, у адсутнасьці прадстаўнікоў абвінавачанага.

Прадстаўнiкi беларускiх дэмакратычных сiлаў, якiя былi запрошаны на летнюю сэсiю Парламенцкай Асамблеi Рады Эўропы ўдзельнiчаюць у шэрагу круглых сталоў i двухбаковых сустрэчаў. Сёньня беларуская дэлегацыя прымае ўдзел у мiжнароднай канфэрэнцыi недзяржаўных арганiзацыяў i сустракаецца зь Генэральным дырэктарам камiсіі па правах чалавека Тацьцянай Тэрмачыч.

Актывісту партыі БНФ Юрыю Радзімоўскаму вынесьлі папярэджаньне на працы. Ён працуе на Бабруйскім АТ ”Фандок”, па дрэваапрацоўцы. Актывіст неаднаразова ўдзельнічаў у грамадскіх акцыях, меў штрафы й затрыманьні. У сувязі з гэтымі фактамі яго папярэдзілі, што яго далейшая праца будзе малавыніковай і безпэрспэктыўнай.

Трэцяя крымінальная справа супраць клецкага актівіста Сяргея Панамарова па артыкуле (аскарбленне ў друкаваных выданнях) была спынена па адсутнасці доказаў. Аднак прадпрымальнік С.Г. Панамароў па-ранейшаму адчувае ціск на яго сям’ю. Не прыпыняюцца званкі на хатні тэлефон і запрашэнні ў прыватным парадку прысці без позвы да следчага.

Донары прынялі рашэнне аб пачатку бестэрміновай забастоўкі.

“Яна пачнецца 1 ліпеня, калі ў часе папераджальнай забастоўкі ўлады не выйдуць з імі на сувязь”, - паведаміў БелаПАН адзін з удзельнікаў акцыі пратэсту ганаровы донар Беларусі Ігар Каваленка.