Сабраныя на заклад Дзянісу Дзянісаву грошы дазволілі актывісту выйсці на волю яшчэ 11 красавіка. Крымінальную справу спынілі, аднак грошы ўсё яшчэ знаходзяцца ў распараджэнні следчых органаў. Як толькі іх аддадуць, арганізатар збору Жана Ямайкіна збіраецца вярнуць усе сродкі тым, хто іх пералічваў.

Былы дэпутат Андрэй Клімаў ужо трэці тыдзень знаходзіцца ў Менскім турэмным шпіталі. Туды яго перавялі са сьледчага ізалятару пасьля сардэчнага прыступу.

Жонка палітыка Тацяна распавяла “Радыё Свабода”, што ёй ўдалося перадаць мужу ў шпіталь патрэбныя яму лекі.

Болей за тыдзень не было зьвестак пра лідэра “Маладога фронту” Зьмітра Дашкевіча, які адбывае пакараньне ў Шклоўская калёніі. І вось на мінулым тыдні з палітвязьнем сустрэўся ягоны адвакат Аляксандр Галіеў. Паводле адваката Галіева, пачуваецца Дашкевіч нармальна.

Па-ранейшаму вельмі сьціплыя зьвесткі адносна палітвязьня Аляксандра Казуліна. Дачка палітыка Юлія паведаміла, што днямі атрымалі ліст ад бацькі з калёніі. “Як звычайна – пра сябе інфармацыя мінімальная”, -- кажа Юля Казуліна.

Рэчыцкае аддзяленьне “Беларусбанку” № 323 патаемна сьпісала 539 тысяч рублёў з рахунку 11-гадовай Ліды Шабетнік. Дапамогу ад дзяржавы дзяўчынка атрымлівала з прычыны страты маці.

Бацька 11-гадовай дзяўчынкі, старшыня абласной арганізацыі Сацыял-дэмакратычнай партыі (Грамады) Алег Шабетнік, распавёў, што ў банку яму ніхто ня мог патлумачыць, на якой падставе зьнятыя грошы з рахунку дачкі. Паведамілі толькі, што грошы пайшлі на штраф, перадае ”Радыё Свабода”

Вядомага праваабаронцу Валерыя Шчукіна прысудзілі 8-га чэрвеня ў судзе Першамайскага раёна Віцебска да выплаты штрафу ў памеры 40 базавых велічынь (1 240 000 рублёў). Акрамя таго, Валеры Шчукін павінен заплаціць 250 тысяч рублёў кампенсавання за маральную шкоду, нібыта прычыненую ім сябру абласной выбарчай камісіі Таццяне Буевіч.

Вядомага праваабаронцу Валерыя Шчукіна прысудзілі 8-га чэрвеня ў судзе Першамайскага раёна Віцебска да выплаты штрафу ў памеры 40 базавых велічынь (1 240 000 рублёў). Акрамя таго, Валеры Шчукін павінен заплаціць 250 тысяч рублёў кампенсавання за маральную шкоду, нібыта прычыненую ім сябру абласной выбарчай камісіі Таццяне Буевіч.