Прысуд па справе Канстанціна Лукашова мае быць агучаны заўтра. Пра гэта “Польскаму радыё” паведаміў брат падсутнага Вячаслаў Сіўчык.

Нагадаем, што судовая справа супраць Канстанціна Лукашова, які абвінавачваецца ў нападзе на міліцыянта, цягнецца больш за год.
28 сакавіка 2006 году Лукашоў вывозіў з 3-га менскага клінічнага шпіталю свайго брата, палітыка Вячаслава Сіўчыка. Некалькі міліцыянтаў спрабавалі затрымаць аўтамабіль, адзін зь іх, Анатоль Сушчэня, пасьлізнуўся й упаў на зямлю. Пазьней міліцыянт падаў скаргу на Лукашова, нібыта той зьбіў яго аўтамабілем. Ленінскі суд Менску прысудзіў Лукашова да двух гадоў зьняволеньня з адтэрміноўкай на два гады. Менскі гарадзкі суд адмяніў гэтае рашэньне й ужо два тыдні справа цягнецца ізноў.

Польскае радыё для замежжа

Сёньня на кватэру Аляксея Шыдлоўскага прыехалі два чалавека ў цывільным, якія прадставіліся супрацоўнікамі ЖЭСу. Калі малады чалавек адкрыў ім дзьверы , высьветлілася, што госьці зьяўляюцца супрацоўнікамі Партызанскага РУУС.

Міліцыянэры затрымалі дэмакратычнага актывіста і даставілі яго ў раённы аддзел міліцыі, дзе быў складзены пратакол аб затрыманьні па арт. 17.1 АК РБ. Малады чалавек нібыта брыдкасловіў на лесьвічнай пляцоўцы свайго дому.

Суддзьзя Партызанскага раёну Алена Ціценкова прызначыла прысуд Аляксею Шыдлоўскаму па арт.17.1. У якасьці сьведкаў з боку абвінавачваньня выступілі супрацоўнікі міліцыі Залатар і Ракаў. Яны жаяго затрымоўвалі.

Акрамя гэтага, на 8 жніўня павінен адбыцца яшчэ адзін суд над Аляксеем Шыдлоўскім , прызначаны пасьля ўчорашняга затрыманьня.

Міліцыянты патлумачылі, што зьявіліся сьведкі з боку абвінавачваньня і таму паседжаньне суду ўсё ж пройдзе.

Сёньня раніцай з-за адсутнасьці сьведкаў суд над Аляксеям Шыдлоўскім і Паўлам Бараноўскім быў перанесены на 8 жніўня. Хлопцам нават афіцыйна ўручылі позвы на гэты дзень

Нагадаем, іх затрымалі ўчора і абвінавацілі ў дробным хуліганстве. 24 ліпеня ўсяго было затрымана каля 10 моладзевых актывістаў, у якіх знайшлі ўлёткі з заклікам удзельнічаць у акцыі апазыцыі 27 ліпеня. Усіх іх абвінавацілі ў дробным хуліганстве. Затрыманым пагражае арышт да 15 сутак

Паведамляе радыё Свабода

Я пачаў весьці свой кароткі дзённік толькі на 8‑я суткі, але жаданьне пачаць пісаць прыйшло раней, бо з‑за недахопу фізічнае актыўнасьці шматлікія думкі проста запатрабавалі пераносіць іх на паперу. Тут, на Акрэсьціна звычайныя рэчы — бялюткая папера для друкаркі, асадка з лягатыпам фірмы, дзе працуе любая дзяўчына — набываюць асобую каштоўнасьць — адчуваньне, што на волі цябе чакаюць каханая і паплечнікі. Ну ды ладна, бадай, пачну.

Пра гэта паведамілі адразу двум удзельнікам брэсцкага гурта "Сьцяна" – вакалісту Павалу Прохараву і барабаншчыку Аляксею Кузьняцову. Абодва хлопцы працуюць гукарэжысэрамі на Брэсцкай студыі тэлебачаньня.

Прычына ў тым, што музыкі не атрымалі дазвол пакінуць працу 19-20 ліпеня, а на першы дзень якраз быў запланаваны выступ "Сьцяны" на “Басовішчы”. І хлопцы зьехалі на фэстываль без дазволу адміністрацыі студыі. А па вяртаньні даведаліся, што з 8 жніўня іх звальняюць па артыкуле 48 п.5 Працоўнага кодэксу "за прагулы, якія пацягнулі за сабой парушэнні працоўнай дысцыпліны".

- Адмова адпусціць нас была нічым не матывавана. Мы знайшлі замену на гэтыя два дні, але дырэкцыя студыі ўсё роўна адмовіла. “Басовішча” – гэта цэнтральная падзея беларускай рок-музыкі, мы проста не маглі прапусьціць яе, таму і вырашылі зьехаць без дазволу, - сказаў Рацыі Аляксей Кузьняцоў.

Зараз супрацоўнікі студыі напісалі калектыўны зварот да адміністрацыі з просьбай не звальняць хлопцаў. Адказу на яго пакуль няма.

У гэткай жа сітуацыі апынуўся і гітарыст бярозаўскага гурта "BN" Максім Літвінец, які працуе інжынэрам у філіяле калгаса "Прамень". Музыка напісаў заяву, каб ўзяць два дні за свой кошт, але згоду дырэкцыі не атрымаў. Пасьля вяртаньня даведаўся, што з 24 ліпеня звольнены па тым жа артыкуле, што і брэсцкія музыкі. Да таго ж ён мусіць выплаціць каля 4,5 тысячаў эўра, бо не адпрацаваў патрэбныя два гады пасьля разьмеркаваньня на гэтае месца працы.

Як паведамляе радыё “Свабода”, учора супрацоўнікі міліцыі затрымалі трох актывістаў арганізацыі “Малады фронт” Сьцяпана Луцэвіча, Яўгена Малахоўскага і Алеся Вішняка.

Хлопцы распаўсюджвалі ўлёткі з заклікам удзельнічаць у мерапрымстве 27 ліпеня. Паколькі яны непаўналетнія, пратаколы на іх будзе разглядаць камісіі райвыканкамаўпа месцы жыхарства.