На 930 тысяч рублёў аштрафаваны моладзевы актывіст з Гомелю Сяргей Сямёнаў. Такі прысуд вынесла 30 жніўня судзьдзя ў адміністрацыйных справах Цэнтральнага раённага суду Марына Дамненка.

Фармальна спадар Сямёнаў аштрафаваны за непадпарадкаваньне інспэктару мытні на беларуска-ўкраінскай мяжы.

Незалежная журналістка Ганна Ільіна абвінавачвае маёра Сяргея Андрэенку ў незаконным затрыманьні і гвалце. Сёньня магілёўскія судмэдэкспэрты зафіксавалі на целе Ганны Ільіной некалькі гематомаў. У другой палове дня Магілёўская раённая пракуратура мае прыняць рашэньне пра заяву журналісткі — тая патрабуе прыцягнуць да адказнасьці маёра Андрэенку.

Учора каля 11 гадзін вечара супрацоўнікамі асіповіцкай міліцыі быў затрыманы Старшыня Асіповіцкай суполкі Моладзі БНФ Арцём Дубскі. Хлапца затрымалі на выхадзе зь цягніку й прапанавалі прайсьці ў пастарунак у якасьці сьведкі. Арцём адмовіўся.

Сёньня ў Маскоўскім судзе г.Берасьце праходзіць судовы працэс над каардынатарам Руху “За Свабоду” па г.Берасьце Андрэем Шарэндам і іншымі ўдзельнікамі прэзэнтацыі кнігі Паўла Севярынца “Лісты зь лесу” . Іх абвінвачваюць ва ў несанкцыянаваным сходзе.

Сёньня ў Маскоўскім судзе г, Берасьце праходзіў суд над удзельнікам прэзентацыі кнігі Павала Севярынца Раманам Кісьляком. На судзьзе прысутнічаў лідэр Руху “За Свабоду” Аляксандр Мілінкевіч, старшыня камітэту абароны рэпрэсаваных “Салідарнасьць” Іна Кулей і сустаршыня аргкамітэту па стварэньні партыі “Беларуская Хрысьціянская Дэмакратыя” Аляксей Шэін. Судзьдзя накіравала справу на дапрацоўку ў Маскоўскі РАУС г.Берасьця. Заўтра будуць разглядацца справы астатніх удзельнікаў прэзентацыі.

30 жніўня ў цэнтры Гомеля адбыліся затрыманьні чатырох моладзевых актывістаў Зьміцера Жалезьнічэнку, Віталя Бірукова, Андруся Ценюту, Сяргея Астафонава. Усіх затрыманых даставілі ў Цэнтральны РАУС Гомеля для высвятленьня асобаў.

Лідэр Руху “За Свабоду” Аляксандр Мілінкевіч наведаў сёньня моладзевую актывістку Тацьцяну Цішкевіч, зьбітую людзьмі ў штацкім у Дзень Салідарнасці 16 жніўня ў Менску. Зараз яна праходзіць рэабілітацыйны курс у медыцынскім цэнтры ў Аксакаўшчыне.

Баранавіцкая пракуратура распачала крымінальную справу супраць актывіста незарэгістраванай арганізацыі “Малады фронт” Віктара Парначова. Яго абвінавачваюць у палітычных графіці.

Сёньня на плошчы Я. Коласа былі затрыманыя моладзевыя актывісты, якія былі апранутыя ў майкі прысьвечаныя Эўрапейскаму маршу. Маладзёнаў даставілі ў Савецкі РУУС г.Менска, дзе ў іх знайшлі сінія стужкі й флаеры "За Свабоду".

Непаўналетніх моладзевых актывістаў Расьціслава Панкратава і Алега Каштанава затрымалі прыкладна а 20-й гадзіне падчас распаўсюджаньня бел-чырвона-белых стужак.