Кацярына Бычак - студэнцы другога курсу юрфаку ГрДУ, пагражае адлічэньне за "парушэньне правілаў унутранага распарадку". Яна зьяўляецца чальцом  Беларускага рэспубліканскага таварыства аховы помнікаў гісторыі і культуры, Прымала ўдзел у мерапрыемствах па абароне гістарычнага цэнтру Горадні.

Старэйшая дачка палітвязьня Аляксандра Казуліна ўчора была зволена з працы. Раней ёй вынесьлі дысцыплінарнае спагнаньне. Вольга Казуліна працавала на прадпрыемстве «Альактив» намесьнікам дырэктара ў прававых і кадравых пытаньнях.

Дазнавальнік УКДБ па Гомельскае вобласьці Андрэй  Коласаў 27 верасьня дапытаў актывіста моладзевага дэмакратычнага руху Андрэя Цянюту й вынес пастанову аб прызнаньні яго падазраваным у дзейнасьці ад імя незарэгістраванай арганізацыі "Малады фронт".

 Лідэр руху “За Свабоду” Аляксандар Мілінкевіч накіраваў зварот да праваахоўных службаў Гомельскай вобласьці з патрабаваньнем спыніць перасьлед моладзевых актывістаў.

Супрацоўнікі Баранавіцкай турмы вывезьлі Паўла Севярынца ў Івацэвічы за гадзіну да заканчэньня тэрміну зьняволеньня.

Сёньня адбыўся суд над Тацьцянай Цішкевіч.  Яна была затрыманая 7 верасьня 2007 году. У той дзень яна спрабавала высьветліць лёс траіх затрыманых актывістаў. Але была ў грубае форме выкінута з РУУСа. Пасьля чаго Тацьцяна паспрабавала напісаць скаргу на дзеяньні супрацоўнікаў дзяжурнай службы Цэнтральнага РУУСа, але была затрыманая.  

У Салігорску затрыманы Аляксандр Цацура – лідэр мясцовых прадпрымальнікаў, сябра незарэгістраванага грамадзкага аб’яднаньня “За свабоднае разьвіцьцё прадпрымальніцтва”.

У Берасьці затрыманы яшчэ двое актывістаў руху “За Свабоду” Віталь Сымонік і Паліна Панасюк. Яны спрабавалі перадаць ежу Андрэю Шарэндзе ў Маскоўскім судзе г.Берасьце, дзе яго павінны былі судзіць. Супрацоўнікі міліцыі ў грубай фізічнай форме запхнулі актывістаў у міліцэйскую машыну.

У Берасьці ля ўваходу ў Маскоўскага раёну затрыманы праваабаронца Раман Кісьляк. Ён быў дастаўлены ў РАУС Маскоўскага раёну г.Берасьце, дзе на яго склаладаюць пратакол аб адміністраціўным правапарушэньні.