15 верасьня спаўняецца год, як за кратамі апынуўся лідэр незарэгістраванай моладзевай арганізацыі «Малады фронт» Зьміцер Дашкевіч.

Сёньня ў Ленінскім судзе пакаралі штрафам намесьніка кіраўніка гарадзенскай гарадзкой арганізацыі АГП Уладзіміра Ларына. Памер штрафу — дзесяць базавых адзінак. Рашэньне прыняла судзьдзя па адмінстрацыйных справах Натальля Козел.

Сёньня супрацоўнікі Гарадзенскага гарвыканкаму разам з прадстаўнікамі міліцыі наведалі Таварыства беларускае школы. Мэта візіту засталася незразумелай, бо ні чыноўнікі, ні міліцыянты яе не патлумачылі.

У Горадні Уладзімер Ларын, намесьнік старшыні гарадской арганізацыі АГП выкліканы ў аддзяленьне міліцыі. Яшчэ ўчора яму дахаты прыйшла позва з выклікам у міліцыю, але грамадска-палітычнага актывіста не было дома.

Сёньня ў Наваполацку затрымалі некалькіх грамадзкіх актывістаў. Здарылася гэта падчас старту агітацыйнага велапрабегу “Свабоду Казуліну!”.

Раніцай удзельнікі меркаванага велапрабегу сабраліся ў цэнтры гораду, і неўзабаве да іх пад’ехалі міліцыянты й людзі ў цывільным.

У Гомлі пры спробе распаўсюдзіць улёткі быў затрыманы актывіст руху “За Свабоду” Андрусь Цянюта. Ён зьбіраўся праінфармаваць грамадзтва пра адлічэньне студэнта-выдатніка Зьміцера Жалезьнічэнку на уваходзе з Гомельскім дзяржаўным унівэсітэтам. Але ў гэты момант да яго адразу падбег прарэктар Сяргей Ханеня, які затрымаў хлопца і выклікаў міліцыю. У дадзены момант хлопец дастаўлены ў пастарунак.