Адміністрацыйную справу супраць моладзевага актывіста будзе разглядаць суд Завадзкога раёну Менску. Яго вінавацяць у дробным хуліганстве.

Судзьдзя Валеры Самалюк пакінуў бяз зьменаў рашэньне Міністэрства юстыцыі не рэгістраваць Рух "За Свабоду".

19 верасьня вучня 11-й клясы школы №8 г.Пінска Зьміцера Кіселя выклікалі на размову да дырэктара Івана Сергіевіча. Прычынай сталі артыкулы хлопца ў мясцовай газэце і на інтэрнэт-сайце. Дырэктар школы паведаміў хлопцу, што ягоныя артыкулы знаходзіцца пад наглядам і пачаў пужаць хлопца крымінальнай справай.

Упраўленьне Камітэту дзяржбясьпекі Бабруйску выклікае на “размовы” моладзевых актывістаў.

Аднаму зь лідэраў незарэгістраванай моладзевай арганізацыі “Малады Фронт” і сябру аргкамітэту руху “За свабоду” Валеру Мацкевічу Камітэт дзяржбясьпекі вынес папярэджаньне аб магчымым завядзеньні крымінальнай справы за дзейнасьць ад імя незарэгістраванай арганізацыі.

Сёньня прыканцы працоўнага дня судзьдзя Рэчыцкага раённага суду Анатоль Стрэльчанка пакараў грамадзкага актывіста Леаніда Невара на 6 сутак арышту. Супраць Леаніда Невара сьведчыў начальнік ідэалягічнага аддзелу райвыканкаму Туміловіч. Яго паказаньні падтрымліваў намесьнік начальніка мясцовага лясьніцтва Данільчанка. Яны даводзілі, што напярэдадні Леанід Невар абражаў Туміловіча лаянкай.

Чарговая крымінальная справа распачатая супраць актывістаў незарэгістраванага Маладога Фронту ў Гомельскай вобласьці. Маладафронтавец са Сьветлагорску Арсень Ягорчанка й ягоны аднадумец са Жлобіну Кірыл Атаманчыка падазраюцца ў дзейнасьці ад імя незарэгістраванай арганізацыі. Учора па месцы жыхарства хлапцоў мясцовыя упраўленьні Камітэту Дзяржаўнай Бясьпекі правялі ператрусы.