Кіраўніцтва Мазырскага педунівэрсытэту папярэдзіла студэнтку пра немагчымасьць сустрэчаў з актывістамі маладзевага дэмакратычнага руху.

Скончыўся допыт у пракуратуры Маскоўскага раёну актывіста Сяргея Парсюкевіча.

Супрацоўнікі міліцыі затрымалі дэмакратычных актывістаў на шашы, агледзелі машыну і нібыта знайшлі фальшывыя грошы. Зараз іх дастаўляюць у Шчучынскі райадзьдзел міліцыі.

Сёньня ў сьледчым адзьдзеле ГУУС Мінгарвыканкаму ўдзельнікам прадпрымальніцкай акцыі 10 студзеня Пашкевічу Міхасю, Крываву Міхасю і Сяргееву Уладзіміру былі ўручаныя пастановы аб тым, што яны зьяўляюцца абвінавачанымі па крымінальнай справе, узбуджанай па ч.1 арт. 342 КК РБ – “Арганізацыя альбо актыўны ўдзел у групавых дзеяньнях, якія груба парушаюць грамадзкі парадак”.

Крымінальную справу супраць Андрэя Кіма сёньня перададуць у суд. Такое ж абвінавачаньне, які і Кіму, могуць прад'явіць Сяргею Парсюкевічу.