Барысаўскі раённы суд апраўдаў лідэра кампаніі “За свабоднае разьвіцьцё прадпрымальніцтва” Віктара Гарбачова.

Актывіст Руху “За Свабоду” Алесь Зарэмбюк аказаўся вінен дзяржаве больш за паўмільёна рублёў. Пра гэта ён выпадкова даведаўся днямі. Спадар Алесь атрымаў пастанову судзьдзі Мастоўскага раённага суда Гарадзенскай вобласьці А. Г. Боцька пра тое, што ён пакараны штрафам у памеры 15 базавых адзінак паводле ч.1 артыкула 23.24 Адміністрацыйнага кодэксу Рэспублікі Беларусь “за парушэньне устаноўленага парадку правядзеньня сходаў”. Актывіста абвінавацілі ў арганізацыі сустрэчы Аляксандра Мілінкевіча з жыхарамі горада Масты.

Адзін з лідэраў руху індывідуальных прадпрымальнікаў Віктар Гарбачоў быў сёньня раніцай затрыманы на чыгуначным вакзале Барысава. Як паведаміў радыё Рацыя ягоны калега Аляксандар Макаеў, Віктар разам з жонкай і 13-гадовым сынам вярталіся ў Барысаў з Крупак.