Камітэт абароны рэпрэсаваных «Салідарнасьць» сустрэўся з аднім зь лідэраў прадпрымальніцкага руху Алесям Таўстыкам пасьля ягонай чарговай «адсідкі» на Акрэсьціна. Адразу трэба сказаць, што нягледзячы на добра заўважную хранічную стомленасьць чалавека, які 15 дзëн правеў у няволі, пры гэтым амаль ад самага пачатку пакараньня трымаўшы галадоўку, спадар Алесь падчас размовы выглядаў на дзіва бадзëрым і на пытаньні адказваў зь імпэтам. У самым пачатку сустрэчы ëн сам прызнаўся, што за 15 дзëн згубіў ня меньш за 8 кіляграмаў вагі...