Актывіста Полацкай філіі Маладога Фронту Алеся Круткіна забралі з кватэры супрацоўнікі міліцыі і адвезьлі ў полацкі РАЎС для складаньня адміністрацыйнага пратакола па артыкуле 23.5 за няяўку па позьве ў дзяржаўную ўстанову. У дадзеным выпадку – у ваенкамат.

Бабруйскі раённы суд пакараў палітыка Алеся Чыгіра 10 суткамі арышту й штрафам у памеры 60 базавых велічыняў — гэта два мільёны сто тысяч рублёў.

У суботу ў лесе ля Барысава міліцыянты затрымалі групу моладзі і студэнтаў, каля 60-ці чалавек, якія сабраліся дзеля адпачынку. Пасьля разьбіральніцтва ў міліцыі ўсіх адпусьцілі.

Палітвязьня Сяргея Парсюкевіча перавялі са Шклоўскай у Менскую калёнію, у адмысловы атрад для былых міліцыянтаў. Былыя палітвязьні не выключаюць, што такім чынам кантроль над лідэрам прадпрымальніцкага руху будзе ўзмоцнены.

Сёньня Бабруйскі раённы суд аднаўляе разгляд адміністрацыйнай справы супраць палітыка, прэтэндэнта на кандыдата ў дэпутаты палаты прадстаўнікоў Алеся Чыгіра. Яго вінавацяць у дробным хуліганстве й непадпарадкаваньні міліцыі.

Лідэра незарэгістраванай Беларускай партыі Свабода Сяржука Высоцкага выклікаюць у Сьледчае ўпраўленьне па вуліцы Сапёраў. Сяржук Высоцкі паведаміў Свабодзе, што яму патэлефанавалі і папрасілі прыйсьці без адваката.

Калегія Менскага гарадзкога суду пакінула бязь зьменаў прысуды актывістам, пакараным за ўдзел у мітынгу прадпрымальнікаў 10 студзеня.

Супрацоўнікі Камітэту дзяржаўнай бясьпекі і міліцыі увечары 21 ліпеня ўварваліся ў менскую штаб-кватэру незарэгістраванай арганізацыі Малады Фронт, як толькі скончылася паседжаньне ўправы гэтай арганізацыі. Пра гэта Радыё Свабода паведаміла намесьніца старшыні Маладога Фронту Наста Палажанка.

Сьледчыя ў справе выбуху 4 ліпеня затрымліваюць і дапытваюць людзей, якіх немагчыма абвінаваціць. Потым іх адпускаюць без нейкага выніку і прабачэньняў.

Дагэтуль пенсію МУС на мужа атрымлівала па даверанасьці Натальля Парсюкевіч – жонка прадпрымальніка. 8 ліпеня, у дзень атрыманьня пенсіі МУС, Натальля прыйшла ў банк, аднак пенсіі не атрымала. Спачатку падумала: памылка, можа, згубіліся паперы ў банку? Банкаўскія службоўцы параілі зьвярнуцца ў Віцебскае абласное ўпраўленьне ўнутраных справаў. Натальля Парсюкевіч і зьвярнулася. Апынулася, што пенсію палітвязьня Сяргея Парсюкевіча перавялі ў Шклоўскую калёнію, дзе прадпрымальнік адбывае пакараньне, паведамляе газэта «Товарищ».