Івану Бедку, які быў кіраўніком выбарчага штабу Івана Шэгі, сёньня ў аддзеле кадраў Цэнтральнай раённай бальніцы Слоніма паведамілі, што зь ім датэрмінова спыняецца кантракт.

Франак Вячорка цяпер знаходзіцца ў абласной вайсковай мэдычнай камісіі.

У Менску сёньня былі затрыманыя актывісты «Маладых дэмакратаў» Раман Багдановіч і Аляксандар Сьцепаненка.

Уначы ў Гомелі на чыгуначным вакзале міліцыя затрымала актывіста незарэгістраванай арганізацыі “Малады фронт” Андруся Цянюту. Пра гэта Андрусь пасьпеў паведаміць праз мабільны тэлефон сваім знаёмым.

18 верасьня Кастрычніцкі суд Горадні мусіў пачаць разгляд справы па прызнаньні экстрэмісцкай друкаванай прадукцыі, што ў розныя гады была канфіскаваная гарадзенскімі памежнікамі. Аднак суд быў перанесены і пройдзе ў кастрычніку ўжо пасьля парлямэнцкіх выбараў.

Учора вечарам у Берасьці міліцыянты РУУС Маскоўскага раёну правялі ператрус у кватэры бацькоў моладзевага актывіста Міхаіла Ільіна.