Адказаць на каментар

4 верасня, пасля адбыцця арышту, з Цэнтра ізаляцыі правапарушальнікаў выйшаў на волю актывіст “Маладога фронту” Зміцер Крамянецкі. Ён распавёў, што на “сутках” ўпершыню сутыкнуўся з сітуацыяй, калі значная частка арыштаваных знаходзіцца там безпадстаўна, паколькі ніякіх правапарушэнняў не здзяйсняла.

Звярнуў Зміцер увагу і на вялікую колькасць дэпартуемых замежных грамадзян, сярод якіх людзі з Узбекістану, Бангладэш, Конга.

Адбываў пакаранне Крамянецкі ў камеры на 6 месцаў. Адзін з “сядзельцаў”, напрыклад, чакаў дэпартацыі ва Узбекістан, быў там і футбольны фанат, які сцвярджае, што яго затрымалі без аніякай прычыны.

“Увогуле, – робіць выснову Крамянецкі, – зараз шмат людзей сядзяць на ЦІПе, якіх без падстаў забіраюць проста з дому і вязуць у суд, нібыта яны хуліганілі. Вось аднаго, напрыклад, збілі міліцыянты, і каб ён не змог зняць пабоі – сфабрыкавалі пратакол і ўпяклі на 10 сутак. А перад самым маім выхадам у камеру прывялі хлопца, арыштаванага таксама на 10 сутак. Ён здымае кватэру разам з сябрамі, і калі супрацоўнікі міліцыі хацелі забраць ягонага сябра, дык загрэблі заадно і яго. Напісалі ў пратаколе, што лаяўся матам, у дзве гадзіны ночы… Дакладна так, як як гэта робіцца, калі такім чынам ізалююць дэмакратычных актывістаў".

На Акрэсціна ходзяць чуткі, што фанаты пабілі нейкага міліцыянта і тыя зараз вымяшчаюць помсту на ўсіх, хто нечым падобны на футбольных фанатаў.

Справа Зміцера Крамянецкага разглядалася ў судзе Савецкага раёна Менска 26 жніўня. Суддзя Арцём Бяскішскі абвінаваціў яго ў дробным хуліганстве і пастанавіў пакараць арыштам на 10 сутак. Прычым, забралі актывіста напярэдадні проста з дому.

Паводле ПЦ "Вясна" 
 

Адказ

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку