Спэцназаўцы затрымалі каля двух дзясяткаў актывістаў кампаніі “Эўрапейская Беларусь”.

Супрацоўнікі міліцыі пратрымаўшы маладых людзей больш за дзьве гадзіны пачалі іх адпускаць без складаньня пратаколаў. Яны перапісалі прозьвішчы ўдзельнікаў пікету і ўсіх адпусьцілі.

Маладыя людзі ў Дзень салідарнасьці з палітвязьнямі і сем’ямі зьніклых трымалі расьцяжкі “Свабоду Аўтуховічу!”і “Свабоду палітвязьням!” насупраць кінатэатру “Беларусь” ля станцыі “Фрунзенская” ў Менску.

На месца пікету прыйшлі кіраўнікі менскай міліцыі. Яны выклікалі спэцназаўцаў. Актывістаў закінулі ў аўтобус і адвезьлі ў міліцыю.

Паводле радыё Свабода