Сёньня ў судзе Савецкага раёну сталіцы адбылося судовае паседжаньне па адміністратыўнай справе па арт. 23.34 КаАП РБ, заведзенай ў дачыненьні да моладзевых актывістаў Юлі Сіўцовай і Яўгена Пятліцкага.

Судзьдзя Аксана Рэлява адклала працэс да заўтрашнягя дня, каб выклікаць дадатковых сьведкаў - жыхароў дому, а саміх актывістаў адвезьлі на Акрэсьціна.

Юлія Сіўцова і Яўген Пятліцкі ўчора ўвечары былі затрыманыя супрацоўнікамі міліцыі на вуліцы Сурганава ў Менску, калі зьбіралі подпісы жыхароў Савецкага раёну за адкліканьне дэпутата Палаты прадстаўнікоў Уладзімера Крука. Пры даглядзе міліцыянты знайшлі налепкі з заклікам выйсьці на вулічную дэманстрацыю 25 сакавіка, каб адсьвяткаваць 90-годзьдзе Беларускай Народнай Рэспублікі - Дзень Волі.

Паводле ПЦ Вясна