Увечары, 22 сакавіка, па вул. Якубава былі затрыманы дзьве пенсыянэркі. Пры даглядзе рэчаў супрацоўнікі міліцыі знайшлі некалькі нумароў мясцовай газэты “Вольная Серабранка”.

Затрыманых прыхільніц Руху “За Свабоду” Марыю Аліеву і Алену Напорку адвезьлі ў Ленінскае РУУС. На іх склалі пратакол апытаньня і пратакол аб адміністратыйным правапарушэньні (“распаўсюд друкаваных выданьняў”). Нягледзячы на старэчы ўзрост (затрыманым адпаведна 56 і 63 гады) і праблемы са здароўем (у жанчын падвышаны ціск, да іх у РУУС нават выклікалі “хуткую дапамогу”), затрыманых пратрымалі больш за 6 гадзінаў, а ў 3 гадзіны ночы адвезьлі на Акрэсьціна.

Праваабаронцы заўважаюць, што ўтрыманьне пад арыштам да суда па адміністратыўнай справе – скрайняя мера і, улічваючы нязначнасць парушэньня, узрост затрыманых, іх праблемы са здароўем, пенсіянэрак павінны былі вызваліць да судовага разьбіральніцтва.

Адміністратыйны працэс над жанчынамі адбудзецца сёньня ў судзе Ленінскага раёну, на Сямашка, 33