Працягваецца серыя семінараў ў рамках праваабарончай школы для бацькоў моладзевых актывістаў “Мы і правы чалавека”.

Камітэт "Салідарнасьць" наведаў маці палітыка Юрыя Захаранкі, які знік 10 гадоў таму пры нявысветленых абставінах.

Cумеснае паседжаньне прадстаўнікоў беларускіх праваабарончых арганізацый адбылося на офісе Камітэту абароны рэпрэсаваных "Салідарнасць" 17 сакавіка.

У Камітэце абароны рэпрэсаваных “ Салідарнасьць” адбылася сустрэча бацькоў пакліканых у войска юнакоў з праваабаронцамі. У ёй прынялі ўдзел Вінцук і Арына Вячоркі, Уладзіміер і Сьвятлана Шылы, старшыня Беларускага Хельсінскага Камітэту Алег Гулак, Іна Кулей і Эніра Браніцкая. “Прызыў са шматлікімі парушэньнямі заканадаўства трэба разглядаць як палітычныя рэпрэсіі”, - упэўненыя бацькі.

Камітэт абароны рэпрэсаваных “Салідарнасьць” наведаў былы палітзьняволены Андрэй Клімаў. Ён адбываў апошні тэрмін у Мазырскай калёніі строгага рэжыма.

Грамадзкая Камісія па справах палітзьняволеных, ў сустрэчы якой прынялі ўдзел прадстаўнікі Беларускай Хрысьціянскай дэмакратыі, Камітэту абароны рэпрэсаваных “Салідарнасьць”, чальцыў “Ініцыятывы” завастрыла пытаньні фізычнага і маральнага стану арыштаваных Андрэя Кіма, Сяргея Парсюкевіча і Аляксандра Казуліна. На паседжаньні сваімі думкамі падзяліліся Ігар Леднік, Кацярына Садоўская, Эніра Браніцкая, Алесь Макаеў і іншыя.

15 сакавіка адбылося ўрачыстае адкрыцьцё помніка заснавальнікам БНР ў музэі Анатоля Белага ў Старых Дарогах. На імпрэзу прыбыло каля 50 прадстаўнікоў грамадзкасьці зь Менску, Гомеля і Бабруйску. Сярод іх былі ганаровыя чальцы гістарычнага клюба “Спадчына”, сябры Руха “За свабоду”, Камітэта абароны рэпрэсаваных “Салідарнасць”, Таварыства беларускай мовы, вядомыя пісьменьнікі, мастакі, музыкі. Помнік асьвяціў малітвай і служэньнем сьвятар Аўтакефальнай Праваслаўнай Царквы айцец Леанід Акаловіч.

У Камітэце абароны рэпрэсаваных адбылася сустрэча грамазкіх дзеячоў і былых палітзьняволеных зь Мікалаем Аўтуховічам і ягонай дачкой. Сябры павіншавалі вязьня з вызваленьнем, пажадалі здароўя і аптымізма, і ўручылі ў падарунак кнігу Ўл. Арлова “Імёны свабоды”, якую аўтар напярэдадні падпісаў былому ваяру і прадпрымальніку.

7 студзеня Мікалай Аўтуховіч адзначыў дзень народзінаў. Сям’і было дазволена двухдзённае спатканьне ў калёніі на вул. Кальварыйскай у г. Менску. Як распавяла дачка М.Аўтуховіча Кацярына пасьля сустрэчы зь вязьнем, яе бацька знаходзіцца ў халодным памяшканьні, дзе жывуць каля 100 чалавек. Да спатканьня яго больш гадзіны яго трымалі ў тонкай вопратцы і лёгкім абутку на холадзе ў чаканьні дазволу зайсьці ў залю для сустрэч. Мікалай Аўтуховіч , ветэран афганскай кампаніі, прадпрымальнік, грамадзкі дзеяч быў асуджаны па сфабрыкаванаму абвінавачаньню аб неўплаце падаткаў. Прадпрымальнік быў арыштаваны 14 кастрычніка 2005 года і прыгавораны да 3,5 гадоў турэмнага зьнявленьня.

25 лістапада прадстаўнікі палітычных партыяў і грамадзкіх арганізацыяў наведалі калёнію “Віцьба”, дзе знаходзіцца ў зьняволеньні экс-кандыдат у прэзыдэнты Аляксандар Казулін. Да іх далучыліся рэгіянальныя актывісты зь Віцебску й Наваполацку. 

Прадстаўнік Бацькоўскай ініцыятывы наведала студэнтаў-каліноўцаў у Гданьску. Каліноўцы навучаюцца ў Гданьскім Унівэрсітэце й ў Гданьскай Палітэхніцы. З усіх можна вызначыць Рамана Шчэрбава і Мацьвея Чысьціка, Кацярыну і Канстанціна Жылінскіх. Чацьвёра студэнтаў, якія прыехалі ў гэтым годзьдзе праходзяць працэс адаптацыі.

24 кастрычніка адбыўся прадстаўнічы сход бацькоў моладзевых актывістаў і студэнтаў –каліноўцаў. У сходзе прынялі ўдзел прадстаўнікі Камітэта абароны рэпрэсаваных, жаночай партыі “Надзея”, бацькі студэнтаў-каліноўцаў, якія навучаюцца ў Варшаве, Беластоку, Кракаве, Гданьску , журналісты з незалежных СМІ.

У Празе прайшла канферэнцыя па абмену досьведам недзяржаўных арганізацый, якія працуюць ў галіне абароны правоў чалавека, займаюцца праблемамі барацьбы са СНІДам, захаваньня навакольнага асяродзьдзя, падтрымкай дзяцей-сіротаў.

31 жніўня 2007г. адбылася сустрэча з удзельнікамі праграмы К. Каліноўскага новага набору. Каля 70 юнакоў і дзяўчат сёлета змогуць працягнуць навучаньне ў Польскай Рэспубліцы.

Усяго туды паехала 246 чалавек. У Варшаве навучаецца зараз 106 студэнта –каліноўцаў. Адзін зь іх – Ільля Навуменка. У мінулым годзьдзе ён скончыў Беларускі нацыянальны ліцэй, быў у сакавіку на Плошчы. Цяпер ён вывучае сацыялёгію ў Варшаўскім унівэрстэце. Абраная спецыяльнасьць яму падабаецца. Асноўнай праблемай перыяду адаптацыі ён лічыць складанасьць прывыканьня да іншай мовы й культурнага асяродзьдзя. Вельмі добрыя ўраджаньні засталіся ў яго пасьля вандроўкі па Польшчы пасьля адукацыйных курсаў. Пашанцавала юнаку з тутарам, які дапамагае вырашаць складаныя пытаньні.

Сёлета праграма імя К. Каліноўскага прыме каля 100 стыпендыстаў згодна з дамовай з Польскім бюро. Вучыцца ў Польшчу паедуць, у першую чаргу, студэнты, якіх выключылі на працягу гэтага навучальнага года, а таксама абітурыенты, якія ня маюць шанцаў патрапіць у ВНУ з-за сваей грамадскай актыўнасьці. Будуць мець шанец дзеці актывістаў, якія пацярпелі рэпрэсіі: былі выгнаныя з працы, падвяргаліся вобшукам, штрафам, арыштам.

Творцы нацыянальных сьпеваў заўседы ішлі ў адзіных шэрагах са сваім народам, натхняючы моладзь на змаганьне за свабоду й волю. Вялізныя канцэрты на плошчы Бангалор у 2006-ым зьбіралі тысячы маладых прыхільнікаў пераменаў.

У арганізацыі экспазiцыі, прысьвечанай творчасьцi народнага паэта Р. Барадулiна, прыняла удзел віцебская мастачка Сьвятлана Баранкоўская. Яе дачка Станіслава Гусакова пасьпяхова навучаецца па праграме імя К. Каліноўскага ў Кракаве.

Эрнэст Канстанцінавіч Сабіла наведаў нас па запрашэньню Камітэту абароны рэпрэсаваных. Сябры арганізацыі былі рады магчымасьці пагутарыць з прасьвiтарам Беларускай Эвангельскай Царквы, мужным вернікам, які прайшоў праз сталінскія лягеры.

26 чэрвеня суд Цантральнага раёну пацьвердзіў рашэньне аб дэпартацыі пастара пратэстантскае царквы ў гонар Іаанна Хрысьціцеля, грамадзяніна Польшчы – Яраслава Лукасіка. Царква, дзе нёс служэньне пастар Яраслаў, была адным з асяродкаў панаваньня Божае праўды й свабоды асобы , а таксама асяродкам шчырых прыхільнікаў беларушчыны.

5 траўня па ініцыятыве Хрысціянскай дэмакратыі адбылася сустрэча з рэпрэсаванымі вернікамі й сьвятарамі – Эрнестам Сабілам, Уладзімерам Канатушам, былымі вязьнямі ГУЛАГУ, і сёньняшнімі выгнаньнікамі й нядаўнімі палітзьняволенымі – пастарам Яраславам Лукасікам і Паўлам Севярынцам.

28-29 траўня ў Савецкім судзе г.Менска была ажыццяўлена спроба рэжыму судзіць сяброў “Маладога фронту” за выхаваньне моладзі на нацыянальнай ідэі й хрысціянскіх каштоўнасьцях. Але гэтыя высілкі пацярпелі крах. Судзьдзя Р. Аніскевіч быў вымушаны абмежавацца штрафам у 40-30 базавых велічынь. Перад будынкам суда была разгорнута мацнейшая акцыя салідарнасьці.. У ёй прынялі удзел прадстаўнікі грамадскасьці, палітыкі, амбасадары замежных краін. Падтрымаць моладзь прыйшлі Аляксандр Мілінкевіч, Станіслаў Шушкевіч, Анатоль Лябдзька, Вольга Іпатава, Уладзімір Арлоў, Лявон Баршчэўскі, а таксама былыя палітвязьні –Кацярына Садоўская, Павал Севярынец Мікалай Статкевіч.

23 траўня на сядзібе партыі БНФ адбылася сустрэча Бацькоўскае ініцыятывы Камітэта абароны рэпрэсаваных з прадстаўнікамі палітычных партый.

Удзел у ёй узялі лідэр аб’яднаных дэмакратычных сілаў Аляксандр Мілінкевіч, старшыня партыі БСДГ - Станіслаў Шушкевіч, старшыня Аб’яднанай Грамадзянскай партыі - Анатоль Лябедзька, намесьнік старшыні БСДП(Г) Анатоль Ляўковіч, старшыня Беларускае хрысціянскае дэмакратыі Павал Севярынец, старшыня жаночай партыі “Надзея”Алена Яськова й іншыя прадстаўнікі грамадскасьці. Сход, арганізаваны Бацькоўскім камітэтам, быў прысьвечаны тэме абароны моладзі ад рэпрэсій і прымеркаваны да Кангрэса дэмакратычных сілаў.

16 траўня адбыўся прадстаўнічы сход бацькоў рэпрэсаванае моладзі.
Бацькі выказалі сваю заклапочанасьць ў сувязі працягам пераследу моладзі па крымінальных і адміністрацыйных справах.
На сходзе былі абмяркаваны пляны салідарных дзеяньняў ў падтрымку моладзі ў сувязі з судом над “Маладым Фронтам”, які мае адбыцца 30 траўня у 14. 15 у Савецкім судзьдзе.

Бацькі прынялі рашэньне зьвярнуцца з лістом да Палітрады й запрасіць палітыкаў на наступны сход.

Праваабаронцы, актывісты праваабарончага цэнтру “Вясна” разам з сябрамі Камітэта абароны рэпрэсаваных зладзілі вандроўку на Гомельшчыну з мэтай атуліць сардэчным цяплом маці Юрыя Захаранкі ў гадавіну зьнікненьня сына.
Генэрал міліцыі Юры Захаранка не вярнуўся дадому 7 красавіка 1999 года.