Міністэрства юстыцыі зарэгістравала Праваабаронча-асьветніцкае грамадскае аб’яднаньне “Рух “За Свабоду”.

Актывістак Маладога Фронту Тацяну Шапуцьку і Насту Лойку, студэнтак юрыдычнага факультэта БДУ, пакаралі вымоваю за ўдзел у несанкцыянаваным пікетаваньні ля помніка Дзяржанскаму 7 лістапада.

У панядзелак адбудзецца суд над Аляксандрам Баразенкам. Суд над ім пачнецца а 14-й гадзіне ў Цэнтральным судзе г.Менску. Судзіць А.Баразенку будзе Натальля Вайцяховіч.

Актывісткі “Маладога фронту”, удзельніцы лістападаўскай акцыі “Камунізм - пад трыбунал” Настасься Лойка і Тацьцяна Шапуцька былі выкліканы на Савет прафіляктыкі правапарушэньняў юрыдычнага факультэту БДУ, дзе яны навучаюцца на аддзяленьнях правазнаўства і паліталёгіі.

У інтэрвію, дадзеным прэзыдэнтам Рэспублікі Беларусь А.Лукашэнкам агенцыі Франс-Прэс, А.Лукашэнка заявіў, што ў Беларусі няма палітычных зьняволеных, а гэтыя людзі - звычайныя злачынцы.

У зьвязку з гэтым Камітэт абароны рэпрэсаваных “Салідарнасьць” лічыць неабходным патлумачыць наступнае:

Працэс над Аляксандрам Баразенкам, які прызначаны на панядзелак, 8 сьнежня, адбудзецца ў судзе Цэнтральнага раёна Менску.

Учора ўвечары супрацоўнікі міліцыі Маскоўскага раёну Менску затрымалі больш за дзясятак актывістаў моладзевага руху, сярод якіх былі прадстаўнікі незарэгістраваных “Маладой Беларусі”, “Маладога фронту”, кампаніі “Эўрапейская Беларусь”.

У суботу супрацоўнікі міліцыі Маскоўскага раёну Менску затрымалі некалькі чалавек, якія стаялі з партрэтамі Аляксандра Баразенкі каля сьледчага ізалятара. Сярод удзельнікаў акцыі салідарнасьці была цётка Аляксандра Баразенкі.

Міхаіл Пашкевіч і Даніла Барысевіч раздавалі газэту «Новы час» проста ў будынку адміністрацыі Савецкага раёну сталіцы.

Судовыя выканаўцы Першамайскага раёну апісалі маёмасьць у кватэры, у якой жыве лідэр руху “За свабоду” Аляксандар Мілінкевіч.

Пра гэта паведаміла маці Аляксандра Алена Баразенка. Зьняволены з Працэсу 14-ці мае намер трымаць галадоўку, пакуль яго не вызваляць.

Лідэру Пінскай філіі Маладога Фронту Алесю Любянчуку пагражае суд за нядаўнюю акцыю падтрымку Алеся Баразенкі. Нагадаем, некалькі актывістаў Маладога Фронту выйшлі на цэнтральную плошчу Пінска з расьцяжкаю “Свабоду палітвязьню Алесю Баразенке!” і раздавалі мінакам улёткі зь інфармацыяй пра зьняволенага хлопца.

Былы студэнт Гомельскага дзяржаўнага ўнівэрсытэту імя Ф.Скарыны, а цяпер салдат транспартных войскаў у Жлобіне Зьміцер Жалезьнічэнка накіраваў скаргу ў Камітэт ААН па правах чалавека.

Зараз Аляксадар, які яшчэ ня быў асуджаны па "працэсу 14-ці" знаходзіцца ў турме на Валадарскага.  

Крымінальную справу супраць Аляксандра Баразенкі, апошняга фігуранта “справы 14-ці”, перадалі ў суд Цэнтральнага раёну Менску.

У дзень афіцыйнага сьвята камуністы ды іхнія прыхільнікі ўскладалі кветкі да помніка Леніну. Прадстаўнікі “Эўрапейскай кааліцыі” і аргкамітэту дзеля стварэньня Беларускай хрысьціянскай дэмакратыі маліліся ў царкве за ахвяраў кастрычніцкага перавароту 1917 году і грамадзянскай вайны. Тым часам спэцназаўцы затрымалі актывістаў “Маладога фронту” насупраць КДБ з расьцяжкай “Камунізм пад трыбунал”.

18-гадовага актывіста Станіслава Сенакосава адлічылі з Магілёўскага прафэсійнага ліцэю № 2.

Судзьдзя Вольга Пракаповіч адхіліла заяву Ўладзімера Шылы з патрабаваньнем да гарадзкога адзьдзелу адукацыі прызнаць незаконным выключэньне з салігорскай СШ № 4 яго сына Івана.

Зьмітра Сакалова, актывіста Полацкай філіі Маладога Фронту, у пятніцу забралі з працы на допыт у міліцыю.

У панядзелак ў СІЗА на Валадарскага быў зьмешчаны моладзевы актывіст Аляксандар Баразенка. Хлопец праходзіць па крымінальнай справе за мітынг прадпрымальнікаў 10 студзеня.

У сераду Ельскі раённы суд завочна аштрафаваў актывіста АГП, назіральніка Дзяніса Рабянка быццам бы за парушэньне заканадаўства аб выбарах на 500 даляраў. Сёньня ў Баранавічах адбудзецца судовы працэс паводле пазову былога кандыдата ў дэпутаты Мікалая Чарнавуса аб абароне гонару і годнасьці. У чаканьні суду былы віцебскі міліцыянт Андрэй Левінаў.

У Горадні прайшла акцыя ў абарону дрэваў на старой алеі ў гістарычным квартале. Умяшалася міліцыя. Як паведаміў Эдвард Дзьмухоўскі, яго пратрымалі ў пастарунку больш за паўтары гадзіны, склаўшы пратакол аб дробным хуліганстве.