Адказаць на каментар

6-га лістапада а 15-й гадзіне мусіць выйсці на свабоду, затрыманы трыма днямі раней, падчас санкцыянаванага шэсця "Дзяды" у Мінску, Юрый Рубцоў. Прафсаюзны актывіст з Гомля, Рубцоў апрануў на швэдар майку з надпісам "Лукашэнка, сыходзь!", за што і быў затрыманым супрацоўнікамі міліцыі пасля завяршэння жалобнага шэсця і мітынга ва ўрочышчы Курапаты. На ўдзельніка акцыі быў складзены пратакол аб адміністратыўным правапарушэнні, быццам за непадпарадкаванне супрацоўнікам міліцыі, якія патрабавалі зняць майку з "абуральным" на іх думку зместам.
 

У панядзелак, 4 лістапада, Юрый Рубцоў быў асуджаны суддзём Дзмітрыем Паўлічэнкам на 3 сутак адміністратыўнага арышту. Сустрэць спадара Рубцова варта будзе ў сераду, 6-га лістапада а 15й гадзіне, па адрэсе: г. Мінск, зав. Акрэсціна 36. Па спасылцы магчыма дазнацца найбольш зручны для вас шлях.

Будзьма салідарнымі!