Адказаць на каментар

Распачынаюцца суды за літаратурныя чытанні, прысвечаныя 125-годдзю Максіма Багдановіча. Заўтра будуць разглядаць адміністрацыйную справу кіраўніка Руху «За Свабоду» Юрася Губарэвіча.

Суд над Юрасём Губарэвічам пачнецца 27 снежня ў 12.30 у будынку суда Цэнтральнага раёна Мінска. Мяркуецца, што суддзя прыме рашэнне адразу па двух справах супраць Губарэвіча: па акцыі ля КДБ (Дзень смутку ў памяць ахвяраў Савецкай улады) 7 лістапада і чытаннях вершаў у гонар 125-годдзя паэта Максіма Багдановіча 9 снежня.

28 снежня у Цэнтральным судзе з розніцай у паўгадзіны будуць разглядаць справы сябра мінскай гарадской рады Руху Алеся Славінскага і сябра Руху Аляксея Саевіча, 30 снежня той жа суд прыме рашэнне па справе сябра Руху Аляксея Клюшнічэнкі. Усе яны абвінавачваюцца ва ўдзеле ў несанкцыяваным пікеце ля помніка Максіма Багдановіча і калектыўных чытаннях вершаў знакамітага беларускага паэта.

«Абсурдная логіка ўладаў. Калі афіцыёзнае мерапрыемства, то можна нагнаць студэнтаў, вайскоўцаў, якія там сумавалі. А калі людзі праявілі ўласную ініцыятыву, за гэта яны трапляюць пад рэпрэсіі. Усё, што не дазволена, усё забаронена», — пракаментаваў атрыманні пратаколаў Юрась Губарэвіч.

Адзначым, што 9 снежня прайшлі таксама афіцыйныя мераепрыемствы да 125-годдзя Багдановіча. У прыватнасці некалькі гадзінамі да чытанняў Руху ля помніка паэту прайшоў афіцыйны мітынг «Паклонімся Максіму», студэнты вну чыталі ягоныя вершы. Ніхто з удзельнікаў акцыі пакараны не быў.

Паводле рух.by
 

Адказ

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку