Актывісты адведалі магілу беларуса, які загінуў за вольную Украіну (ФОТА, ВІДЭА)

На трэцюю гадавіну гібелі Міхаіла Жызнеўскага на барыкадах Майдана ушанаваць памяць на могілкі пад Гомелем прыехалі людзі з Мінска, Гомеля, Бабруйску, Светлагорску, Рэчыцы, Ліды, Барысава.

Многія прыехалі на ўласных аўто. Транспарт з Мінску арганізаваў Рух салідарнасці «Разам». 

Ушанаваць памяць змагара прыехалі лідар Руху салідарнасці “Разам” Вячаслаў Сіўчык, мастакі суполкі “Пагоня” Алесь Цыркуноў і Генадзь Драздоў, святар БАПЦ Леанід Акаловіч, бард Зміцер Захарэвіч, легендарны сцяганосец Ніна Багінская, рэжысёр Аляксей Туровіч, актывісты Уладзімір Кацора з Гомелю, Валеры Мінец з Ліды, Таісія Кабанчук з Бабруйску Алена Талстая з Мінска і іншыя грамадскія дзеячы і актывісты. На могілкі прыехалі таксама сваякі загінулага за Украіну бацька Міхаіл, маці Ніна і сястра Наталля. Усяго сабралася блізу 50 чалавек.

Каля помніка Міхалу Жызнеўскаму было сказана шмат цёплых словаў на адрас загінулага. Таксама выступоўцы казалі пра важнасць міжнароднай салідарнасці ў барацьбе за свабоду, дэмакратыю, незалежнасць, правы чалавека. Cвятар адслужыў малебен і прачытаў малітву. Зміцер Захарэвіч выканаў песню, прачытаў верш, а таксама зачытаў пасланне ад сябра прэзідыума Украінскай сусветнай каардынацыйнай рады Валянціны Логвін.

Беларус Міхалі Жызнеўскі быў сябрам самаабароны падчас украінскай рэвалюцыі Годнасці, загінуў у час жорсткіх сутыкненняў дэманстрантаў з праўладнымі спецпадраздзяленнямі на вуліцы Грушэўскай у Кіеве 22 студзеня 2014 года.

26 лістапада 2014 года ў Кіеве ўсталяваны помнік Міхаілу Жызнеўскаму. Прэзідэнт Украіны Пётр Парашэнка пасмяротна ўзнагародзіў беларуса ордэнам Героя Нябеснай Сотні, а таксама прызначыў пажыццёвую дапамогу бацькам беларуса, які аддаў жыццё за свабодную і еўрапейскую Украіну.

 

Больш фота тут

0 Comments

Пакінуць новы каментар

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку