Суд Першамайскага раёну арыштаваў лідэра аргкамітэту па стварэньні сацыял-дэмакратычнай партыі “Народная грамада” Міколу Статкевіча на 10 сутак.

Пра гэта сёньня раніцай паведамілі ягонай жонцы Натальлі Парсюкевіч у менскім СІЗА на Валадарскага, дзе ў дадзены момант утрымліваецца прадпрымальнік.

Пакуль камуністы і сацыял-дэмакраты партыі Казуліна адзначалі Першамай на Бангалоры, сябры кампаніі «Эўрапейская Беларусь» і арганізацыі «Малады фронт» прыйшлі сёньня а 12 гадзіне да Нацыянальнай бібліятэкі, дзе адбывалася афіцыйнае сьвяткаваньне. З такой ініцыятывай выступіў старшыня аргкамітэту па стварэньні БСДП «НГ» Мікалай Статкевіч.

Аляксандар Мілінкевіч быў затрыманы напачатку сустрэчы з жыхарамі мікрараёну Малінаўка.

Палітык і грамадзкі дзеяч Вячаслаў Сіўчык асуджаны на 15 сутак адміністрацыйнага арышту. Такое рашэньне 23 красавіка прыняў раённы суд у Старых Дарогах.

Вынесены прысуд прадпрымальніку Сяргею Парсюкевічу. Ён прызнаны вінаватым у зьбіцьці міліцыянера і асуджаны да двух з паловай гадоў калёніі агульнага рэжыму.

Пракурор Сяргей Кунаш запатрабаваў для Парсюкевіча 3 гады калёніі агульнага рэжыму. Прысуд будзе абвешчаны паміж 19.30 і 20.30.

А палове на першую каля суду Маскоўскага раёну Менску затрымалі Вячаслава Сіўчыка.

Вынесьлі прысуд удзельнікам "працэсу 14-ці": Уладзімеру Сяргееву і Антону Койпішу -- 3,5 млн рублёў штрафу (па 100 базавых велічыняў), астатнім па 2 гады абмежаваньня волі без накіраваньня ў калёніі адкрытага тыпу.

22 красавіка ў Маскоўскім судзе Менску пачнецца працэс над Сяргеем Парсюкевічам, якога абвінавацілі ў зьбіцьці ахоўніка турмы на Акрэсьціна.

Пракурор патрабуе асудзіць Андрэя Кіму на  2 гады турмы, Аляксея Бондара, Арцёма Дубскага і Міхася Пашкевіча — на 2 гады хіміі, іншым — 2,5 году хіміі, але без накіраваньня ў месцы адбыцьця пакараньня.

19 красавіка пасьля сустрэчы ў Мастах лідэра Руху «За Свабоду» Аляксандра Мілінкевіча настойліва запрасілі ў Мастоўскі РУУС. Затрымалі таксама дэпутата Мастоўскага райсавету Зьмітра Кухлея і актывіста Язэпа Палубятку.

У судзе Цэнтральнага раёну г.Менску пачаўся працэс па крымінальнай справе, узбуджанай супраць 14 удзельнікаў акцыі пратэсту прадпрымальнікаў 10 студзеня.

Студэнтка Гарадзенскага дзяржаўнага ўнівэрсітэту імя Янкі Купалы Хрысьціна Марчук атрымала ў дэканаце навучальнай установы позву, паводле якой яна павінна наведаць Упраўленне Камітэту дзяржаўнай бясьпекі па Гарадзенскай вобласьці 15 сакавіка 2008 года а 15-й гадзіне.

Затрыманага ўчора з налепкамі Анатоля Ўдавічэнку судзьдзя Першамайскага суду Яшчанка арыштавала на 14 сутак.

Суд над віцебскім прадпрымальнікам Сяргеем Парсюкевічам адбудзецца 22 красавіка а 12 гадзіне ў Маскоўскім судзе г.Менску. Пра гэта паведаміла яго адвакатка Вера Страмкоўская.

Студэнтцы 3‑га курсу Беларускага дзяржаўнага эканамічнага ўнівэрсытэту Людвісі Атакулавай 9 красавіка пагражалі выключэньнем з ВНУ.

Актывістцы «Маладога фронту» Насьце Палажанцы сёньня прапанавалі напісаць заяву аб выключэньні са школы па ўласным жаданьні.

За дзейнасьць ад імя незарэгістраванай арганізацыі 20-гадовая актывістка “Маладога фронту” заплаціць 1 млн. 750 тысяч рублёў (больш за 800 даляраў).

У аўторак, а 10:30 судзьдзя Полацкага гарадзкога суду (пр-т Карла Маркса, 50) Марозава пачне разгляд крымінальнай справы моладзевай актывісткі Кацярыны Салаўёвай.

Суд Цэнтральнага раёну абвінаваціў актывістку моладзевага руху “Джынс за свабоду” ва ўдзеле ў несанкцыянаванай акцыі.

1 красавіка распачаўся судовы працэс над моладзевым актывістам Андрэям Кімам. Яго абвінавачваюць у пагрозе супрацоўніку міліцыі падчас разгону акцыі прадпрымальнікаў 21 студзеня.

Ён вяртаўся з суду над Кімам. Яго затрымалі пры ўваходзе ў мэтро.