Палітвязні

Працягваецца ціск з боку КДБ на моладзевых актывістаў у рэгіёнах. Пры гэтым спецслужбы ўжываюць “разнастайныя” метады: тут і запалохванне маладзенаў, і розныя пасулы. А таксама банальнае надакучванне сваімі размовамі.
 
З усім гэтым на працягу апошніх месяцаў сутыкнуўся навучэнец Магілеўскага дзяржаўнага тэхналагічнага каледжа, моладзевы актывіст з Аб’яднанай грамадзянскай партыі Ян Пінчук.
 
Спачатку ініцыятыўны спецслужбовец рэгулярна напамінаў пра сябе тэлефанаваннем. Потым стаў прыходзіць у навучальную установу. Пры гэтым Яна проста здымалі з заняткаў і гутарка адбвалася ў адным з кабінетаў адміністрацыі каледжу.
 Чытаць далей

Цягам траўня ў Камітэт “Салідарнасць” па дапамагу ў  незалежным медычным абследванні і медычнай рэабілітацыі звярнуліся некалькі моладзевых актывістаў. Маладыя людзі падчас затрыманняў міліцыяй  былі  моцна збітыя і патрапілі ў шпіталі.

“Падставай”для такога абыходжання з затрыманымі высоўваецца абвінавачванне іх у дробным хуліганстве і парушэнні парадку, аднак на самой справе арыштамі і збіццём супрацоўнікі праваахоўных органаў імкнуцца спыніць акцыі салідарнасці моладзі з  палітычнымі вязнямі.
Так, былі жорстка збітыя маладафронтавец Раман Пратасевіч і  актывіст «Еўрапейскай Беларусі» Андрэй Моўчан за вывешванне у Мінску бел-чырвона-белых сцягаў у падтрымку віцебскага актывіста КХП-БНФ Сяргея Каваленкі.Чытаць далей

У Камітэце “ Салідарнасьць”адбылася сустрэча з экс-кандыдатам у прэзідэнты, былым палітвязнем Андрэем Алегавічам Саннікавым, яго жонкай Ірынай Халіп і сынам. Супрацоўнікі арганізацыі былі рады абняць Андрэя Алегавіча пасля працяглай разлукі, і паціснуць яму руку ў знак павагі.

Андрэй Алегавіч падзякаваў  праваабаронцам, юрыстам і журналістам за падтрымку яго сям’і.

Маці Андрэя Саннікава і яго жонка праявілі надзвычайную мужнасць і трываласць за час чакання. Яны вялі сур’ёзную грамадскую працу, ўдзельнічалі ва ўсіх сустрэчах мацераў і жонаў з палітыкамі, дыпламатамі, замежнымі карэспандэнтамі. Яны казалi, што у першы дзень пасля  выхаду з калоніі, ім было цяжка пазнаць роднага чалавека, але яны вераць, што любоў і пяшчота здольныя вылечыць і надаць сілы.

Чытаць далей

Былыя палітвязні застаюцца пад наглядам міліцыі, і толькі некаторыя змаглі знайсці працу ў Беларусі.Чытаць далей