Акцыі салідарнасці
Салідарнасць яднае
Гомельскія грамадскія актывісты з “Нашай альтэрнатывы”, “Маладога фронту” і кампаніі “Гавары праўду” падтрымалі ініцыятыву Камітэту “Салідарнасьць”, паведамляе Радыё “Рацыя”.
Мясцовыя актывісты падпісалі каля пяцідзесяці паштовак і напісалі каля трыццаці лістоў. Прадстаўнік “Гавары праўду” Валеры Сляпухін кажа, што такім чынам гомельцы вырашылі выказаць маральную падтрымку палітычным зняволеным.
Валеры Сляпухін:
- Па-першае, акцыю хацелася зладзіць, каб паказаць, што Гомель таксама далучыўся да “Тыдня салідарнасці”, які ідзе цяпер па краіне. А па-другое, трэба падтрымліваць і ні ў якім разе не забываць пра палітвязняў, каб хаця б пару цёплых словаў яны пачулі.
Юлія Сівец, Радыё Рацыя, Гомель
Чытаць далей5 прычын напісаць Аўтуховічу: бо маці чакае сына
“Я малю цябе сынок: вярніся жывым!”, - гэта словы Ліліі Аўтуховіч, маці Мікалая Аўтуховіча, з інтэрвью, якое яна дала яшчэ ў 2009 годзе. Прайшло амаль 4 гады, сын па-ранейшаму ў турме і маці чакае сына...
Інтэрвію сайта regionby.org
Карэспандэнт: Лілія Юльянаўна, добры ў вас сын.
Чытаць далей5 прычын напісаць Мікалаю Аўтуховічу: "Каб пабачыць рэчаіснасць"
Напэўна абывацель сёння складана ўяўляе, чым і як жывуць людзі, якія крыху больш як 20 гадоў таму павернуліся з Аўганістану. За руцінным і манатонным жыццём іх поспехі, трагедыі і дасягненні досыць цяжка заўважыць.
Таму жыццё і няпросты шлях ваўкавыскага прадпрымальніка Міколы Аўтуховіча можа досыць шмат распавесці цікаўнаму чытачу. Адмысловы фільм "Мікола Аўтуховіч. Справа №..." дапаможа болей даведацца пра лёс і дзейнасць палітзняволенага і дасць пабачыць беларускую рэчаіснасць ягонымі вачыма.
Чытаць далей“Тыдзень палітвязня” ў Гародні і Гомелі
У Гомелі любы жадаючы можа далучыцца да агульнабеларускай грамадзянскай акцыі салідарнасці “Тыдзень палітвязня”. Дзеля падтрымання палітычных зняволеных дастаткова наведаць грамадска-палітычны цэнтр па вуліцы Палескай, 52 абласнога цэнтра, дзе кожны будзе мець магчымасць напісаць паштоўкі тым, хто паводле палітычна матываваных прысудаў зараз знаходзіцца ў Беларусі за кратамі.
Арганізатары мерапрыемства гомельскія праваабаронцы з Камітэта “Салідарнасьць” і праваабарончага цэнтру “Вясна” паведамілі, што па розных раёнах вобласці было падпісана і раздадзена для падпісання некалькі сотняў паштовак у падтрымку палітычных зняволеных.
Напісаць словы падтрымкі палітычным вязням змог і кожны жадаючы гарадзенец.
Чытаць далей5 прычын напісаць Севярынцу: каб далучыцца да яго сяброў
Павал Севярынец, які адбывае«хімію» ў Пружанскім раёне, працягвае ліставацца шмат з кім з дзейных палітыкаў, актывістаў БХД і палітвязьняў. Паводле Паўла Севярынца, ён трывала атрымлівае лісты ад Зьмітра Дашкевіча, Эдуарда Лобава, Мікалая Аўтуховіча і Алеся Бяляцкага. Вось што Павал распавёў пра гэтае ліставаньне.
Чытаць далей