Акцыі салідарнасці
Усёй грамадой – на выратаванне дзіцёнка
Грамадзянская кампанія з удзелам валантораў па зборы сродкаў для хворай 12-ігадовай Алены Новік працягваецца ў Гомлі. Актыўная пазіцыя неабыякавых гамельчукоў дапамагла сабраць больш за 130 тысяч даляраў на аперацыю для хворай дзяўчынкі-сіраты, Алены Новік.
Цягам лістапада валантэры разляпілі і раскідалі па паштовых скрынках тысячы ўлётак, у Гомлі нават з’явіліся білборды з заклікам дапамагчы дзяўчыне. Мясцовы футбольны клуб выходзіў на поле ў майках з заклікам дапамагчы хворай, маршрутныя таксоўкі і прыватныя аўто перасоўваюцца па горадзе з аналагічнымі надпісамі. Сродкі на дабрачынны рахунак ужо пералічылі скаўты гомельскай рыма-каталіцкай дыяцэзіі.
Чытаць далейЖыхары Гомеля патрабуюць спыніць гулянні на месцы гвалтоўнай смерці ваеннапалонных
У Гомелі ініцыятыўная група грамадзян збірае подпісы з просьбай да мясцовых уладаў спыніць здзек з памяці пра не менш за 100 тысяч ахвяраў фашызму, перастаць ладзіць на месцы фашысцкага лагера ваеннапалонных забаўляльныя мерапрыемствы і кірмашы.
Лагер ваеннапалонных Дулаг-121 існаваў у час Вялікай Айчыннай вайны з верасня 1941 года па 10 кастрычніка 1943. Дулаг-121 размяшчаўся на тэрыторыі, абмежаванай вуліцамі Партовай, Кніжнай, Савецкай, Тэльмана.
Чытаць далейВуліцы Каліноўскага ў Брэсце быць?
У Брэсце стартавала кампанія за наданне імя кіраўніка нацыянальнага паўстання 1863-1864 гг. на тэрыторыі Беларусі, Кастуся Каліноўскага адной з новых вуліц горада. Пакуль грамадскасць з пераменным поспехам імкнецца ўшанаваць памяць гераічнаму чыну папярэднікаў, стыпендыянт Праграмы Каліноўскага, Яўген Скрабец вырашыў паспрабаваць вось такім досыць нестандартным чынам адзначыць круглую гадавіну паўстання.
Чытаць далейСябры прыйшлі сустрэць вязня
Нягледзячы на затрыманні пад час сустрэчы гомелькага актывіста Юрыя Рубцова, якога вызвалялі з ізалятара на завулку Акрэсціна, у суботу, каля сценаў таго самага ізалятара сабралося некалкі дзясяткаў сяброў, паплечнікаў, журналістаў і палітыкаў, каб сустрэць, адбываўшага трохдзённы арышт лідэра "Маладога Фронту" і былога палітвязня, Змітра Дашкевіча. Сярод тых, хто прыйшоў падтрымаць вязня былі: Анатоль Лябедзька, Павал Вінаградаў, Андрэй Кім, Барыс Гарэцкі, Максім Вінярскі і іншыя.
Асаблівая радасць пасля таго, як ахоўнікі ізалятара адкрылі ўваходную браму, у якой паказалася аблічча Дакшевіча, заззяла на твары жонкі Змітра - Насты Дашкевіч.
Чытаць далейСУСТРЭНЬМА ЮРЫЯ РУБЦОВА 6 ЛІСТАПАДА
6-га лістапада а 15-й гадзіне мусіць выйсці на свабоду, затрыманы трыма днямі раней, падчас санкцыянаванага шэсця "Дзяды" у Мінску, Юрый Рубцоў. Прафсаюзны актывіст з Гомля, Рубцоў апрануў на швэдар майку з надпісам "Лукашэнка, сыходзь!", за што і быў затрыманым супрацоўнікамі міліцыі пасля завяршэння жалобнага шэсця і мітынга ва ўрочышчы Курапаты. На ўдзельніка акцыі быў складзены пратакол аб адміністратыўным правапарушэнні, быццам за непадпарадкаванне супрацоўнікам міліцыі, якія патрабавалі зняць майку з "абуральным" на іх думку зместам.